【短篇小论】花都恒通宇通ZK6850CHEVNPG23

摘要: 震惊!花县跨市农村客运居然用上了这样的车!

11-08 19:30 首页 Busfans

来自拖延癌笔者的一篇文章...花恒公司购入嘅宇通H8喺积灰半年几之后终于上路了!呢次嘅新车一共有18台,自编范围为18125-18142,其全数投入到花恒公司嘅两条“跨市线路”上,从花都新华站前路总站开往清远兴仁汽车站嘅花68线分到12台新车,从花都汽车站开往花都赤坭珊瑚(喺珊瑚总站落车,过马路后就係佛山三水区大塘镇)嘅花81线分到6台新车。肯定有朋友会有疑问,上次谍报家发呢批车嘅型号好像係ZK6850CHEVNPG21,咁点解型号会变咗呢?据闻係合格证拖咗太耐先至送到用户手上,要去上牌果阵却发现呢款车嘅公告被取消咗,最后就套上一个九唔搭八嘅型号先上到牌,另外,18129、18132、18133、18141这四台车为广州现役唯四“BB字头”车牌嘅公交车。

看看外观,这款车继续采用“借鉴”于Irisbus Iveco Magelys,俗称V面的“BRT造型”,不过,这款车就配有“磨砂”装饰条,都算是一个亮点。车身尺寸方面,这款车的长宽高为8500mm×2500mm×3400mm。

看看司机位,都是和普通的宇插差不多,配置都是大财团的标准配置。威帝CAN系统,贴思创牌嘅通达电牌,威伯科刹车阀,都被装配到这款车的仪表台上 。

睇睇乘客区,亮点唔大,布局同之前喺东莞常平坐过嘅6825宇通H8一样,都係十分紧凑。同大部分8米LNG插电车一样,呢款车同样采用侧置气瓶,中右部同样只有一个“宝座”。

斋睇乘客区布局嘅话,呢款车的确冇咩亮点,但係睇真啲,却发现呢款车有隐藏嘅彩蛋。呢款车后半段嘅前两排座椅以及中右部“宝座”底下藏有USB充电口,实为高端!但係要充电嘅话,要弯低身搵USB接口却係有啲猥琐...

后排双排座嘅充电方式如此尴尬,咁中右部果个充电口呢?可以讲,呢个USB充电口更加猥琐,安装位置偏低都算了,个USB插口居然对正个地下,今次条腰弯得更加犀利了。

讲讲乘坐感受啦(建议大家喺WiFi环境下观看视频,土豪请随意),讲真啦,感觉呢款车都唔似混合动力车,佢俾我嘅感觉更加似一款增程式纯电动车。而且由于采用排量较细嘅玉柴4D发动机,感觉车内嘅震动同噪音都有少少大,动力有少少力不从心。不过呢,即使係采用钢板悬挂,呢款车嘅避震都比较舒适,空调制冷能力亦都十分强。另外,呢款车装有16Wifi,用唔用到,相信各位权威都知道。


机械方面,这批车同样采用最大功率为103kw嘅YC4D140N-50国五天然气发动机,电机采用额定功率为90Kw,最大功率为130Kw嘅宇通自家制YTM200-CV2-P电机(铭牌标注为精进TZ327XSYTH06电机),空调采用松芝JLA。

同普通嘅睿控3.0系统一样,呢款车都只係配咗一个直流充电口。因为车辆空间布局嘅问题,呢款车嘅电池放置于车顶,动力电池采用中信国安盟固利动力科技有限公司出品嘅锰酸锂电池。

睇睇这批车嘅气瓶,气瓶同样采用大财团标配嘅查特深冷LNG气瓶,加气口亦都因为空间嘅关系,被布局到中右侧。

底盘行走方面,呢款车嘅地台采用二级踏步设计,前后车桥均为茂霖(精益达)出品,前后桥均采用单推式碟刹,悬挂采用前三后四钢板悬挂。

最后贴上铭牌,2016年12月制造。

====感谢使用ios系统嘅老板赞赏====


首页 - Busfans 的更多文章: